UNIJA

Уводзіны

Калі вы гэта чытаеце, значыцца вы ўжо на спаўне, ці хутка туды трапіце. Давайце пазнаёмімся з тым, што ў нас ёсць і як яно працуе.

Статусы

Усе гульцы атрымліваюць статус [Мяшчанін], ён дазваляе як звычайна гуляць ва-усім свеце і выкарыстоўваць фермы і механізмы. Выключэннем для новых гульцоў, якія толькі далучыліся і атрымалі значок "🍀" побач з нікам, з'яўляюцца абароненые тэрыторыі — гэта буйныя паселішчы ці базы іншых гульцоў.

З часам, калі вы інтэгуецеся ў суполку і пакажаце, што разумееце беларускую мову, пабудуеце нешта значнае ці проста будзеце гуляць не парушаючы правілы, у вас будзе магчымасць пазбавіцца "🍀" ў статусе і атрымаць дазвол гуляць ва-усім свеце без абмежаванняў.




Што рабіць далей?

На спаўне ёсць агульнасерверны партал у энд, праз які можна не толькі трапіць да месца дзе раней жыў цмок, але і хутка трапіць да свайго ложка. Другі партал вядзе у нэдар, дзе існуюць шляхі амаль да ўсіх паселішч серверу. Таксама ў нас працуе каманда /spawn якая заўсёды верне вас туды, адкуль вы пачалі. Калі вам больш падабаецца вандраваць у звычайным свеце, то амаль праз увесь сервер праходзіць чыгунка. Чыгуначны вакзал знаходзіцца па другі бок ракі ад парталу ў нэдар.
Яшчэ побач са спаўнам ёсць Гандлёвы дом, гэта месца агульнасервернага гандлю праз жыхароў, з-за таго што раней кожны сам сабе будаваў вялізарныя месцы для гандлю, якія вельмі моцна ўплывалі на працаздольнась сервера, асабістыя пляцоўкі для ганлю былі забаронены і усе гульцы гандлююць на спаўне.




Правілы

Не гледзячы на тое, што у нас няма прыватаў у звычайным выглядзе, на серверы забаронены грыф, крадзеж чужых рэчаў і усялякія неадэкватныя дзеянні ў дачыненні да іншых гульцоў ці іх маёмасці згодна з Статутам UNIJA. Адміністраты і мадэратары сочаць за парадкам і тым, каб усім было камфортна.




Навігацыя

Каб арыентавацца па серверу можна выкарыстоўваць анлайн-мапу, а яшчэ зручней карыстацца мапай і атрыімліваць сакрэтныя паведамленні праз Android-праграму UNIJA-дапаможнік.


Для больш зручнай гульні прапануем усталяваць наступныя моды: PlasmoVoice (патрэбен для таго каб карыстацца галасавым чатам і слухаць CD-дыскі з музыкай), Emotecraft (каб бачыць разнастайныя эмоцыі і дзеянні іншых гульцоў) ці ўстаялваць адну са зборак рэкамендуемых модаў ад наша сервера. Гэта не абавязкова, можна гуляць і так.


І каб больш паглыбіцца ў гісторыю сервера і падзеі якія адбываліся, можна завітаць на наш Wiki-праэкт у якім гульцы захоўваюць летапісы розных падзей і цікавостак пра гульнявы працэс. Wiki таксама выкарыстоўваецца для ажыццяўлення нейкіх адміністрацыйных працэсаў (напрыклад рэгістрацыя ўласнага паселішча ці дзяржавы).


Вынік

А зараз можаце пачынаць гуляць. Стварайце сваё паселішча або далучыцеся да існуючага, ці пабудуйце бізнэс-імперыю альбо прапануйце астатнім гульцам нейкае цікавае мерапрыемства. Прыемнай вам гульні:)

Статус сервера
Праграма
Google Play
Цікавы факт
Сервер UNIJA

Палітыка прыватнасці | admin@unija.by | UNIJA не з'яўляецца афіцыйным партнёрам Mojang AB ці Microsoft. Набыць гульню можна на афіцыйным сайце.